جديدة

 ‏ان طعتني لا تغيب ايام غيب اكثر من اسبوع

غياب يومين ما يستاهل كتابة قصيدي

وش قيمة الفقد لو ما نزل من عيونك دموع

لا صار ما هو مغير من مشاعرك البليدة 

الشعر احساس ياللي تحسب ان الشعر مصنوع 

شلون تقراه مثل اللي يتصفح له جريدة 

سبحانه اللي جمع فيك التناقض شكل وطبوع

يا لين خلاك لين عود وافكارك عنيدة

الحب مثل الشجر ظل وثمر وجذور وفروع

والوقت حطاب ليل يمرني والفاس بيده

بعد سمح خاطري منّك ولا عاد القلب مفجوع

تبيني ارجع مثل ما كنت لا هذي جديدة