تابع البنات اجمل الكائنات

نوادر


عندما سألت الكاتبه الانجليزيه " اجاثا كريستى " لماذا تزوجتى واحدا من رجال الاثار ؟ قالت : لانى كلما كبرت ازددت قيمه عنده.............














من






كشكول زكريااااااااااااات




التقت عيناه بعيناها الجميلتين ارتدت خجلا ونظراته ونظراته المتقطعه اليها كانت كافيه لان يلتقط ملامحها وابتسامتها ويتأمل جمالها...........سرعان ما جاء اليوم واعترفا بالحب المتبادل الذى يسرى فى عروقهما لماء الندى


وبالرغم من حبهما الشديد واعجابها به وامنيتها منذ عرفته والتقته ان يكون شريك حياتها الا عندما عندما تحقق الحلم لم تندم على شىء فعلته فى حياتها بقدر ندمها على تلك الخطوبه


شعرت بذلك واعلنتها صريحه




تتذكر عندما طرق باب مسكن اسرتها وقوبل بالرضا والقبول وتمت الخطبه فى احتفال مهيب وبدأوا فى اعداد عش الزوجيه الفخم ليعيشا فيه الحياه الورديه التى رسموها وحلموا بها


اصبح يلازمها ويشترى معها كل صغيره وكبيره ويوصلها لمنزلها بسيارته الفارهه


فى يوم شراء ملا بسها اعتذرت منه لانها اتفقت مع صديقاتها على انتقاء ملابسها واشياء اخرى صغيره مهمه لا تستطيع اختيارها معه ولكنه رفض وصمم انه معها فى هذا اليوم وانه سيختار الملابس بنفسه لماذا؟


لانه لا يريد ها ان ترتدى البنطلون ولا شراء اى بنطلون فى جهازها!!!!!!!!!!!!!!!!!!!!!!!


ولكنها لاتلبس غير البنطلون


هبت رياح الغضب والعند


انا من حقى البس اللى انا عاوزاه طالما بحدود


انا من حقى ان زوجتى اللى هتشيل اسمى تلبس لبس محترم


يعنى لبس مش محترم


انت اخترتنى وانا كده بالبس كده


ازاى يعنى


اه


اخترتك


وحبيتك


وكل حاجه


بس البنطلون


ممكن البسه على شميز طويل او تونيك




ااااااااااااانـــــــــــــــــــــــــــــــــــســـــــــــــــــــــــــــــــــــــــــــــــــــــــــــــــــــــــــــــــــى


واصحابك وكمان البنات قبل الشباب والنادى ااااانــــــــــــــــــــــــــــــــــــــــــــــــــــــــسسسسسسسسسسسسسسســـــــــــــــــــــــــــــــــــــــــــى


ايه حكايه انسى دى


بيتى امشيه زى ما انا عاوز


طيب نتفاهم


نتكلم


اقنعنى


وبعدين اعمل اللى انت عاوزه


اللبس ممكن اصلحه والبنات اصحابى فيهم اخواتك البنات وبنات خالتك والاولاد ممكن بلاش والنادى انت مشترك فيه اصلا انت واسرتك واخواتك البنات


انسى


طيب نتفاهم


بس مش بالطريقه دى


انسى






مشكله تظهر صغيره ولكنها كبيره


وكبيره جدا




لم تنام فى تلك اللليله وسهرت وبكت كما لم تبكى










فى الصباح اتصل بالموبايل ليكمل الشراء ولكنها رفضت الرد على اى موبايلات ولا تليفون المنزل ولا على توسلات امها لترد عليه وتتفاهم معه بهدوء


.............حضرت والدته وصممت انها تنزل معاها وتشترى لها كل اللى عاوزاه وكل اللى يعجبها وتعتذر عن ابنها وانه كان عصبى واتسرع


وان المفروض الكلام ده كان بعد الجواز


ايه كان بعد الجواز


بالعكس كده احسن كتير


رفضت واحضرت لها الشبكه الثمينه والهدايا وكل شىء رغم رفض والدتها لردها كل شىء ولكنها صممت ولم تتراجع واغلقت بنفسها وراءها الباب بكل ارتياح وثقه فى نفسها




رن الموبايل


انـــــــــــــــــــــــــــــــــــــــــــــــــــــــــــــســـــــــــــــــــــــــــــــــــــــــــى










و












همسه


مات الحب فى قلبى وااسفاه


ماكنت اعتقد انه سينتهى بلا دمع ينساب من مقلتى


ولا اه يزفرها قلبى من شفتى


هل كان هذا الحب وهما يداعبنى يوما


ام كان سرابا داهمنى وخايلنى دوما


لك المى ايها الحب الذى راح


حتى من قليل من عزاء مباح


هل انثر الورود البنفسجيه على الفراق؟


ام ارش جسدى بماء الزهر الرقراق........!!


كان حبك عبئا ثقيلا يحيرنى


والان خف حملى ولم يعد شىء يؤرقنى


مات الحب فى قلبى وااسفاه


وما كنت اعتقد انه سينتهى بلا مبالاه

تابع البنات اجمل الكائنات

الشله بتاعتنا شله بنات وشباب بنعرف بعض اغلبنا من الصغر حتى



اللى بينضم جديد بيكون عرفناه من مده وبيكون انسان حلو



وسلوكه حلو ميولنا مشتركه واحلامنا مشروعه ...............



مجموعه جميله



بنعمل اتيليه سوا رحلات معسكرات..............



جريده الكليه الجامعه كلها بتعرفنا عندنا نشاط ملموس وفيه معيدين ودكاتره بقوا اصحابنا وبيشتركوا معانا ويحبوا يكونوا متواجدين معانا سواء فى رحلاتنا او معسكراتنا او حتى اعياد الميلاد والمناسبات الخاصه بره الجامعه






كنا كلنا شباب وبنات بنحترم بعض وبنخاف على بعض



فجأه ظهرت فى حياتنا بنت فى الكليه بقت متواجده يمكن كل يوم بتجتمع بالبنات وبتنادى بحقوق الفتاه والشباب حقوق غير اللى كلنا بنطالب بيها فى الجامعه او الكليه



بتطالب فى حق البنت او الشاب فى ............... فى الزواج العرفى السرى فى ظل الظروف الاقتصاديه وغلاء المعيشه ... بتطالب بتعميمه وانه ممكن يكون لفتره الدراسه بس او لفتره بيحددها الشاب او الفتاه والوقت اللى يصلح لكل منهم



وتسهيل الامور بينهم



كل البنات والشباب رفضوا رفض قاطع وصمموا انهم يقاطعوها ويمنعوها من الكلام اصلا



ده فى الاول









كل مده نلاقى اتنين اختفوا من حوالينا وبنفهم من اللى بيجرى انه ربما يكونوا اتجوزوا عرفى



ربما مش تأكيد



ولما بيرجعوا لنا بنحس ان بينهم مشاكل وبعدوا عن بعض خالص



لما حسينا بالمشكله بتزيد بقينا نسال الدكاتره فى الكليه الحل ايه وليه بنت زى دى واصحابها اللى بيروجوا لها مش بتفصل من الجامعه



كان الرد فى منتهى السهوله والصعوبه



انها مشكله عاديه وبتحصل فى كل الكليات على مستوى الجمهوريه ووصلت لطالبات الثانوى









وهيعممووووووووووووووووووووووووووووووووووووووووووووووووووها فى البيوت






مبروووووووووووووك

تابع البنات اجمل الكائنات

حكايتهم بدأت زى اى حد بيدخل كل يوم نت بيدخل شات بيقابل ناس بيتعرفوا ويتبادلوا الميل ممكن تنسى الميل ممكن ساعات ترد التحيه اتكلموا مره ومره








مش ردت عليه ومره مش رد عليها




لكن فيه مره اتكلموا وجدت فيه بالصدفه السعيده كل ماتحب ثقافه اطلاع احساس راقى




كتير كانت بتكلم ناس فى الشات وفى المنتديات وتكتشف قله ثقافتهم وفهمهم لايعرفوا شىء عن اى شىء غير الكلام والضحك وممكن يقلبوا حب من غير اساس


كانت بتبعد بهدوء كانت بتخاف


بتخاف جدا


بنت زى اى بنت بتحكمها تقاليد وحدود وفى نفس الوقت واخده كل حقوقها فى التعبير عن نفسها والتعليم








وممارسه الهوايات ومساحه كبيره جدا من الحريه اكتسبتها من كل من حولها بالصدق والحب


اتمنت انها تحب وتعيش الحب اللى سمعت عنه كتير من اصحابها اتمنت انها تعيش لحظاته كانت بتتمنى تقابل الحب فى دنيا الحقيقه مش الخيال


............................


فرحت اوى بوجوده فى حياتها كانسان جميل فى تفكيره ومثقف نوعيه مميزه تحترمها


بعت لها فى الميل كتاب كانت قرأته ولكنها احتفلت بوجوده عندها فى الكمبيوتر وقرأته تانى وتالت ياااااااااااااااااااااااه جميل اووووى انيس منصور كل اللى بيكتبه حلو


وكل اللى بيقرا له ويحبه احلى كتير






اصبحت تنتظره يدخل الميل وتتمنى لو كلمها كانت تحكى له كل مايهمه وكل ما لا يهمه


المهم انها بتحكى معاه وبيسمعها


شاف صورتها الشخصيه وشافت صورته ع الميل جميل فوق ما تصورته وهى التى كانت لا تقدر الجمال عند الرجال ليس مهم فى نظرها المهم ما تحتويه الراس وما ينطقه اللسان




راته جميل ساحر مبتسم ابتسامته غير اى ابتسامه نظره عنيه






نظره عنيه وابتسامته عمرها ماكانت تصدق ابدا انها هتكتب شعر فى عيون رجل وفى ابتسامته .كانت لما تقرا شعر اونثر كتبهم رجل لامرأه ممكن ممكن تصدق




لكن المره دى هى كتبت فى رجل لم تراه الا فى صوره ع الميل حتى مش اخدتها ولا احتفظت بيها


احتفظت بها فى قلبها وعقلها


رسمت له اكتر من بورتريه لدرجه كل اللى فى البيت واصحابها بيسالوا مين ده مره تقول ده نجم عالمى فى السينما ومره مطرب ومره خيال


معقول


معقول


مش مصدقه انها هى يحصل منها كده


ولكنه حصل




بقت تكتب وتتغزل فى عيونه وابتسامته واسلوبه


حبته من كل قلبها


حبته وهى عارفه انه من رابع المستحيلات انها هتكون له ولا هيكون لها


بس القلب له احكام فعلا


الحب بييجى مره فى العمر وبنحسه وبنعيشه حتى لو مش بنقابل بعض








وفيه ناس بيشوفوا بعض ويقابلوا بعض كل يوم ومش


يحسوا الاحساس الجميل ده ولا يتمتعوا بيه ولا بجماله وسحره و..........................اه




والمه وعذابه وسهر لياليه


كتير حبوها وقالوا لها كلام الحب اجمل كلام عن الحب سمعته مجرد كلام ........... هو مش قال كلام


بقى مجرد انه موجود حتى من غير كلام وسلام بتحسه بتحبه وبيزيد حبه كل يوم


فىقلبها من غير ما يقول بقى اى كلمه يقولها حب كل حرف يكتبه حب اجمل حب....اصعب حب


كان اصحابها لما بيحكوا عن الحب وسهرالليالى كانت تتعجب........ وتسهروا ليه وتعشقو ا ومش تناموا ليه وتعدوا النجوم......... وتتعذبوا ليه اللى افهمه واعترف بيه انك لما تحبيه ابقى قابليه كل يوم او حتى اتجوزيه ايه المشكله الموضوع بسيط مش محتاج ده كله........ الكلام ده احنا اللى بنحط نفسنا فيه و نعمل له قصه مش لها لازمه بتعذبوا نفسكم ليه بلا فارس احلام بلا دوشه ...........؟؟؟؟؟؟؟؟؟؟؟؟؟؟؟؟؟؟؟؟؟




كانت تؤمن بالعقل وبعدين القلب


ولكنه غير لها مجرى حياتها.........بهدوء ..............الهدوء


الهدوء الذى يسبق العاصفه........




كتير وهى بتكلمه ع الميل بتلاقى حاجات كتير مشتركه بينهم حتى اماكن زارتها بالصدفه مشتركه بينهم حاجات قرأتها.........حتى الكلمات كتبتها معاه فى نفس الوقت.............وساعات كتير ضحكت من قلبها معااااااااااااااااااااااااااااه


اتعلمت منه كتير


وسمعت منه كتير وحبته كتيرررررررررررررررررررر


وبقى عندها فارس احلام وحب وقلب بيسهر وبيعشق وعيون لاتنام






الحب بيزيد والشوق بيزيد لكن الحدود برده بتزيد

تابع البنات اجمل الكائنات

--------------------------------------------------------------------------------

فارس الاحلام الشاطر حسن بكار تحت اي مسمي المفروض اننا بنذاكر والامتحان ع الابواب والشبابيك كل يوم بنذاكر مع بعض طول النهار النهارده كل اللي تدخل من البنات وهي لسه ع الباب تقول اوباما افتحي التليفزيون بسرعه وفعلا كله بيسمع باهتمام واعجاب فرح بتقول ده شبهنا جامد ومي بتقول انه شربات ويا سلام لما قال ان البنت قادره انها تعمل وتنتج زيها زي الشباب وانها بتنتخب رئيسه ووزيره في بلاد اسلاميه وغربيه وانه بيحترم اللي بتقعد في البيت بس برغبتها واكد علي تعليم اجمل الكائنات لما خلص الخطاب قلت ان نفسنا اتفتحت والمذاكره هتبقي بضمير لكن الوقت كله كان في حب اوباما وصراحه اوباما وجمال اوباما ايمي شافت انه احلي كتير حتي من مهند ودي كابريو رغم اني كنت شايفاه شبه اشرف عبدالباقي المهم انناقررنا نحط بوستر اوباما في اوده النوم بتاعتنا ونشيل اي بوستر مهما كان اوباما وبس ينفذ القرار في ساعته وتاريخه

تابع البنات اجمل الكائنات

فرحت اوى بخبر المعسكر رغم انها كانت لسه راجعه من سفر ومسابقات ومجهده


بس بالنسبه لها المعسكر كان مهم كانت محتاجه وقت تكمل رسوماتها ومحتاجه لشويه هدوء


المعسكر بيبقى فرصه بتتعرف باصحاب جدد وبتتعلم حاجات كتير


فتحت شنطتها وهى فرحانه واختارت ملابس للرياضه ملابس للسباحه وملابس لحفلات السمرو فرشه اسنانها وفرشه شعرها وسشوارها وكل التوك والاكسسوارات وشاحن الموبايل وكروت للشحن والاهم من كل هذه الاشياء اوراقها واقلامها اصدقائها المقربين الدائمين


اكدت على اصحابها ميعادالباص وفين وازاى




نامت وهى بتحلم بالرحله وكانها اول مره هتسافر..................اول يوم فى المعسكر كان بطىء وممل واختيار غرف وزملاء الغرفه الواحده


وكده.


تانى يوم المشرفين عملوا تعارف بين جميع الطلبه والدكاتره المشتركين فى المعسكر وتم تقسيم وتوزيع الادوار البنات المطبخ والشباب باقى الاعمال


.....رفض الشباب لا البنات بتطالب بالمساواه ياخدوا السهل واحنا الصعب لا المساواه انهم يتقاسموا معانا كل الاعمال الصعب والسهل طلب الشباب المساواه مع البنات فى توزيع الادوار وقالوا انهم بيزاحمونا فىكل اختصاصاتنا وبيتميزوا كمان عننا


المساواه


فى الصعب والسهل


والبنات وافقت


قدها وقدود


هنشوف


دخلنا المطبخ لقينا الشباب سبقونا وبدأوا وبقوا هما اللى بيوزعوا علينا الاعمال


لسه توتو بتمسك السكين تقشر الجزر اتجرحت كلنا اتخضينا ووقفنا حواليها لحقنا ادم ولف لها صوبعها بلاصق وقال لها استريحى انتى


ورامى لقى نسرين البصل مللا عنيها الجميله اللى هو بيموت فيها دموع قام اخد منها البصل وكمله بمنتهى السعاده وهى قاعده تبص له بعنيها الجميله ومروى .........اندمجت مع وائل وقاعده تحكى فى السياسه والحكام والخطب اللى هى شاطره فيها


وكل حيطان الكليه بتشتكى من نقدها للرؤساء والحكام وحتى عميد الكليه والدكاتره بيخافوا من مقالاتها لما بتقلب عليهم وتنسى الزعماء والحكام وهو قاعد ينقى الرز مستمتع بحديثها وفرحاان بيها




وفرح بتعمل لنا حاجه حلوه مفاجئه انضم لها اربعه شباب اتطوعوا انهم يساعدوها ويشجعوها مش عشان هى زى القمر وبس لا


لانها الوحيده اللى واخداها جد


دخل الدكتور المشرف على الرحله


وشاف المنظر


ابتسم فى خبث


اهو كده المساواه والا بلاش


ربنا يستر ومتعمموهاش فى البيوت المساواه دى




البنات ضحكوا عليكم وشغلوكم بدالهم ياشباب


ايه يا سوسو مش بتؤمنى بالمساواه والا ايه


اعملى لنا حتى ميه بليمون اى حاجه


والا الدكتور بيؤمن بالمساواه واتعلم هو الطبيخ


ابتسمت سوسو بخجل وانضمت لفريق العمل تحاول تلاقى حاجه تعملها.... او تعرف تعملها مفيش حد بييجى جنبها من الطلبه الشباب


او بيعرض عليها حاجه تعملها


الكل عارف ان الدكتور بيغير عليها ومش بيحب يلمح حد بيبص ناحيتها اصلا مش يكلمها


بسرعه ولانها فاهمه كل ده راحت ........ نيراز ......... و جابت الجلاش وادته لسوسو تساعدها فى حشوه واعداده و وقفت تعمل معاها ووراحوا فى حديث طويل


......... اسراء.........


ايديها اصلا رابطاها برباط ضاغط كانت واقعه فى حمام السباحه من ايام


وحاطه كرسى وقاعده تضحك وتنقد كل الموجودين وعامله جو حلو فى المكان ومعندهاش مانع انها تشارك وتضحى بنفسها و تتذوق الاكل اللى هيتعمل


هيثم كان تخصص مقالب ورامز كان بيقول نكت صاروخ نكت


وشادى كان مش عاجبه البنات اللى فى المعسكر ولا اللى فالكليه اصلا


بيقول انه لما يفكريحب او يتجوز هيختار واحده تشبه امه فى كل شىء جمالها وحنيتها وطاعتها وحبها له ولاخواته ووالده


والاهم شطارتها فى البيت والمطبخ اكيدوطبعا قعد ينصح الشباب انهم يحسنوا الاختيار ويسيبهم من البنات الحلويين لان حلاوتهم زاعقه اوى وبتشرق ومش بيعرفوا حتى يجيبوا كوبايه الميه


ومحمد قاعد لوحده وسايب المجموعه كلها عشان ميشوفش ايمى ويتكلم معاها بعد باباها مارفضه بالتلاته


مواقف حزينه ومواقف مضحكه


والمشكله ان كل واحد فاكر محدش عارف اى حاجه عن اى حاجه والكل فاهم كل حاجه


حتى اسره الاشراف


هما كمان بيلعبوا معانا لعبه الذكاء


وفاهمين كل حاجه واى حاجه


وبيحاولوا ينجحوا المعسكر بشده






الايام جميله . جميله جدا وفيها مفارقات جميله


تنفع تكتب عنها صفحات كتير واسره الاشراف كانت اكثر ما اتصورنا فى علاقتنا معاهم كانوا متفاهمين وكلهم حنان واندمجوا معانا فى كل المجالات وشاركونا كل الهوايات والالعاب














حفلات السمر كانت مهمه جدا وكنا بنام فتره العصر اجبارى عشان نعرف نسهر كلنا اكتشفنا مواهب جديده فينا اللى غنى واللى عزف موسيقى واللى رقص صراحه المفأجأه ان الشباب تفوقوا على البنات حتى الرقص البلدى مش بس فى ......... فيه ايام كتير كنا بنسهر ونشوف الشروق وسحره مع البحر والرمال والسما تحفه


لوحه سحر كتير كنا بنسهر نستنى الفجر اللى يرسم واللى يصور واللى بيتامل واللى بيحب................اجمل ذكريات

تابع البنات اجمل الكائنات

دخلت هند غرفه تغيير الملابس بفرحه واعلنتهابصراحه قال لى بحبك بحبك بحبك وفضلت تلف وشعرها الحرير يلف معاها وعيوننا وقلوبنا معاها لغايه ماقعدت على الكرسى وحطت راسها على كتفى وغمضت عينيها قال لى بحبك اخيرا


ردت هاله انتى يابت عبيطه يعنى هو اللى كان ناقصك انه يقول لك بحبك


المهم


هيروح لباباك امتى


ردت مها والشبكه والشقه وكده وما الى ذلك


ردت ساسو باباكى اصلا مش بيعترف بالحب


بيعترف بالامكانيات والماديات انتى شفتى عمل ايه مع عريس ميرال اختك المهم الشقه والعربيه والمرتب




نزلت الدموع من عنييها وصمتت






حرام عليكم ضيعتوا فرحتها


قالتها سوسو وهى بتطبطب عليهااكيد الحب مهم واساسى ويمكن اكثر من الشبكه والشقه والعربيه


قالت هند بهمس وصوت حزين والحل


انتوا عارفين انه مفيش عنده كل الحاجات دى بس ممكن وسكتت.....................


ردت سوسو الحل ياحبيبى انك توسطى مامتك تتكلم مع باباكى الاول وواجهى المشكله ودافعى عن حبك وكيانك قالتها سوسو بحزن وبأسى


ردت ساسو كعادتها


بدون تفكير وبسرعه ياسلام


وانتى ليه ماواجهتيش مشكلتك ودافعتى عن حقك فى الاختيار حتى


صمت رهيب


قامت ساسو واخدت سوسو فى حضنها لانها جرحتها من غير ماتقصد


وقالت بما انى الوحيده اللى بافهم فيكم بحكم التجربه


هاقول لكم


الحب مهم وجميل واحساس لازم نمر بيه وبنحتفظ بيه جوانا


بس الجواز حاجه تانيه خالص


محتاج فلوس استقرار استمرار كلنا بنشوف ان الاهل بيتجنوا علينا وبيفرضوا ارائهم وشروطهم وبيمارسوا الضغوط علينا


بس ده فعلا للصالح العام وزمان قالوا لما الفقر يدخل من الباب يهرب الحب من الشباك خايفه اقول مش بيبقى فيه حب خالص مشاكل بس




صمت تاااااااااااااااااااااانى بدون تعليق


كل بنت سرحت فى دنيا تانيه


وساد الصمت

دى حكايه بيحكيها شاب
عن اجمل الكائنات


تجربتى مع البنات بتبدأ بمايا اختى انسانه عنيده جدا عارفه حقوقها هى بس بس باقى البشر لا

يعنى لوطلبت منها اى شىء لا يعنى لا ياريت حتى تقول حاضر وما تعملش

ولو هى عاوزه طلب يبقى لازم وتجيش لك الجيوش وتستعين بماما وبابا وكل اللى تقدر عليه

وطول النهار بتطالب بالمساواه لما بقى اصلا مفيش لاى حد حقوق فى البيت غيرها وفى الاخر ماما تقول لى دى مهما كان بنت وانت اخوها حبيبها لازم تبقى حنين عليهاوتطول بالك شويه

يالهووووووووووووووووووووووووووووووى

انا خارج ياماما

طيب بس الساعه 8 تبقى تعدى على مايا تجيبها من الكورس احسن بتخاف

ياسلام ماكل اصحابها معاها ومن نفس المنطقه

اسمع الكلام مش هتاخد ثوانى

حاضر

ياسلام بقى لما يكون لها طلب عندى

تلاقيها جايبه النسكافيه بالكريمه وقطعه شيكولاته من اللى مش بتخلص عندها وتبوسنى من خدى

تيجى معانا رحله فى الريف مع الكليه يوم واحد بس من اوله لاخره بس متعه فى بيت نانو

ومايسه هتيجى معانا هى عارفه انى معجب بيهابنت اموره اوووووووووى

لا مش فاضى روحى انتى

مانت عارف بابا مش هيرضى الا اذا انت جيت معايا

والنبى

كمان بوسه

طيب

تانى يوم الرحله

مايا اكوى لى القميص ده ا لا ماما نسيت تبعته المكوه

حالا مش هياخد منك حاجه

لا البس غيره او اكويه انت

عندى مذاكره

مفيش فايده

اللى فيها فيها

دى مايا

لسه بقى هاحكى لكم حكايتى مع باقى البنات اااااااااااااااجمل ال...............................................[


اتمنى اقرا حكاياتكم مع البنات اجمل الكائنات